ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

BREAKING NEWS: សម្ដេចតេជោប្រាប់ពិភពលោកថាមិនអាចយកសង្គ្រាមដើម្បីបញ្ចប់សង្គ្រាមបានទេ

  • ចុះផ្សាយថ្ងៃទី១១ ខែកុម្ភៈ ឆ្នាំ២០២២ ម៉ោង ០៩:១០ នាទី ដោយ Hun Sirivadh
  • 2037
  Aa |   aA

សេអ៊ូល៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានថ្លែងបើកកិច្ចប្រជុំកំពូលសន្តិភាពឆ្នាំ២០២២ នៅទីក្រុងសេអ៊ូល ប្រទេសកូរ៉េខាងត្បូង ដោយមានអ្នកចូលរួមពីបណ្ដាមេដឹកនាំ អតីតថ្នាក់ដឹកនាំ មន្ត្រីជាន់ខ្ពស់ និងអ្នកជំនាញជាង១០០ប្រទេស ដោយសម្ដេចបានចែករំលែកអំពីដំណើរឆ្ពោះទៅរកសន្តិភាពនៅកម្ពុជា ដែលថាមិនអាចយកសង្គ្រាមដើម្បីបញ្ចប់សង្គ្រាមបានទេ។

ថ្លែងបើកក្នុងកិច្ចប្រជុំកំពូលនៅព្រឹកថ្ងៃទី១១ ខែកុម្ភៈ ឆ្នាំ២០២២នេះ សម្ដេចតេជោបានលើកឡើងថា ស្ទើរតែពាក់កណ្ដាលជីវិតរបស់សម្ដេចគឺសម្ដេចប្រើប្រាស់ការចរចាជាជាងការធ្វើសង្គ្រាម។ សម្ដេចយល់ថាការធ្វើសង្គ្រាមគឺបានបង្កនូវទុក្ខសោកវេទនាដល់ប្រជាពលរដ្ឋហើយមិនអាចស្វែងរកដំណោះស្រាយបានទេ។

សម្ដេចតេជោ ក៏បានលើកឡើងអំពីនយោបាយឈ្នះឈ្នះនៅកម្ពុជាដែលអាចយកជាឧទាហរណ៍សម្រាប់ប្រទេសនានាផងដែរ។

សម្ដេច ថ្លែងថា៖ «ប្រទេស កម្ពុជា និង តំបន់ មេគង្គ អាចផ្ដល់មេរៀនស្ដីពីការបង្កើតសន្ដិភាពនិងកសាងសន្ដិភាព និងការបង្រួបបង្រួមជាតិ។ ឧទាហរណ៍ នយោបាយឈ្នះ-ឈ្នះ នៅកម្ពុជាអាចជាការជំរុញទឹកចិត្តនិងប្រភពនៃការស្រាវជ្រាវចំពោះប្រទេសនានា។ យើងមិនអាចប្រើសង្គ្រាមដើម្បីបញ្ចប់សង្គ្រាមនោះទេ!»

សម្ដេចក៏បានស្នើ ធ្វើយ៉ាងណាឲ្យប្រទេសកូរ៉េខាងជើងនិងប្រទេសកូរ៉េខាងត្បូង សម្រេចបាននូវសន្ធិសញ្ញាសន្តិភាពដើម្បីធ្វើឱ្យឧបទ្វីបកូរ៉េប្រែក្លាយជាតំបន់ដែលមួយដែលពោរពេញដោយសន្តិភាពនិងរួបរួម។

នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានដំណើរចាកចេញពីប្រទេសកម្ពុជាដើម្បីចូលរួមធ្វើជាសហប្រធាននៃកិច្ចប្រជុំកំពូលសន្តិភាពពិភពលោកឆ្នាំ២០២២ កាលពីថ្អព្រហស្បត្តិ៍ម្សិលមិញ។ ក្រៅពីធ្វើជាសហប្រធាន សម្ដេចក៏ត្រូវបានគេជ្រើសរើសជាជ័យលាភីពានរង្វាន់សន្ដិភាពស៊ុនហាក់ផងដែរ៕


ព័ត៌មានជាច្រើនទៀតសម្រាប់អ្នក